Sot, avokati Kujtim Cakrani u dhunua brutalisht në Vlorë, duke pësuar dëmtime të rënda në kokë pas një sulmi në një pikë karburanti. Ngjarja vjen vetëm pak kohë pas një rasti tjetër të ngjashëm e po aq tronditës: dhunimi i rëndë i avokatit Sokol Mëngjesi në Tiranë, i cili u godit me mjete të forta nga persona të maskuar dhe mbeti për ditë të tëra në gjendje kritike, madje në koma.
Dy raste, dy avokatë të njohur, dy sulme që nuk mund të shpërfillen si thjesht “konflikte personale”. Kujtim Cakrani mbron ish-presidentin Ilir Meta në procese me ndjeshmëri të lartë publike. Sokol Mëngjesi ka qenë një nga avokatët e ish-kryeministrit Sali Berisha. Të dy kanë zgjedhur të marrin përsipër çështje që prekin qendra të fuqishme të pushtetit dhe opinionin publik. Dhe pikërisht këtu lind pyetja dramatike: a po kthehet mbrojtja ligjore në një profesion me rrezik jetik në Shqipërinë e 2026-ës?
Shteti ligjor premton jo vetëm gjykata të pavarura, por edhe mbrojtje reale për ata që ushtrojnë
Shkruan Rea Lundra
