Evropianët ofrojnë trupa për Ukrainën!
Ky është një lajm me rëndësi: Evropianët janë zotuar t’i sigurojnë Ukrainës një “forcë shumëkombëshe për Ukrainën”, të udhëhequr nga Evropa dhe të mbështetur nga Shtetet e Bashkuara.
“Kjo forcë do të ndihmojë në rigjenerimin e forcave të armatosura të Ukrainës, sigurinë e hapësirës ajrore të Ukrainës dhe mbrojtjen e deteve të saj, duke përfshirë edhe operacionet brenda Ukrainës”, thuhet në një deklaratë të përbashkët të publikuar në Berlin nga Gjermania, Franca, Britania e Madhe, Italia, Polonia, Finlanda, Norvegjia, Suedia, Holanda dhe krerët e institucioneve të BE-së.
Deklarata thekson konsensusin e gjerë midis evropianëve, Ukrainës dhe Shteteve të Bashkuara të Amerikës. Thuhet se ekziston tashmë marrëveshja – për shembull, që ushtria ukrainase duhet të ketë një forcë maksimale prej 800,000 trupash.
Për më tepër, do të ketë edhe një “mekanizëm monitorimi dhe verifikimi të armëpushimit të udhëhequr nga SHBA-ja” me pjesëmarrje ndërkombëtare.
Delegacioni amerikan në Berlin thotë se janë zgjedhur rreth 90 % të çështjeve.
Por Moska i sheh trupat e huaja në Ukrainë si një kërcënim. Mbetet të shihet tani si do të reagojë Moska, si do të reagojë Trumpi dhe si do të zbatohej një projekt i tillë.
