AVOKATI PAL SHKAMBI DENANCON ENI ÇOBANIN PËR MASHTRIM:

Eni Çobani, të denoncoj publikisht, je mashtruse e pashoqe, je shkatrrimtarja e Kombit, je mburoja e sistemit të flliqur nga korrupsioni.
Ju Eni, thoni se tani është fillimi i vërtetë. Është hapur gropa e mbeturinave të mashtrimeve tuaja, të organizuara në grup, të komanduara nga segmentet e mafies politike në kompleks, mbivendosjet e qëllimshme, fallcifikimet nga arshivistët e dënuar në gjykata, të amnistuar me ligjet e tyre, janë zbuluar nga Prokuroria dhe Gjykatat, në tre dekada, në dëm të familjes Shkambi.

Kallzimet e rrejshme penale dhe civile të pushtuesve të trojeve tona të organizuara në grup që kanë avulluar, përpara Policisë, Prokurorisë dhe Gjykatave, shpërthimi i Jozefina Topallit në qershor të vitit 2017, përpara Kuvendit të Shqipërisë ka dështuar me turp përpara Shqiptarve, dhe njerëzve që respektojnë ligjin, kështu besoj se i ka ardhur fundi poshtërsisë.

Mbrojtës i trojeve të Binak Pjetri (Shkambi), jam unë i vetmi trashëgimtar i trungut familjar i autorizuar me prokurë të posaçme nga të gjithë trashëgimtarët ligjorë, për të fituar trojet e Binak Pjetri (Shkambi), që nga viti 1992, këtu filloi kalvari 33 vjeçar jam unë Av. Pal Shkambi, dhe askush tjetër, meqenëse në këtë vit kisha filluar studimet në fakultetin e drejtësisë.

Në vitin 1993, në qendër të Shkodrës është organizuar greva e urisë nga shoqata e Ish pronarëve, kjo grevë urie ka zgjatur plot 22 ditë, pjesëtar i ngujuar isha unë nga fisi Shkambi në qendër të Shkodrës.

Ju znj. Eni keni deklaruar në emisionin e së “Dielës Shqiptare” në Tv Klan, se trashëgimtarëve të trungut Shkambi u janë djegur dokumentat, në kohën kur është djegur Gjykata e Shkodrës dhe nuk kanë dokumenta për t’i dalë Zot pronës së vet, ju u shprehët se për këtë shkak gjyqtari u ka humbur pronat.

Kur unë të vura në dijeni publikisht se dokumentat i kemi të plota në disa institucione dhe i disponojmë edhe vetë të gjitha, tashi ke filluar t’i lexosh dokumetat të cunguara sipas qefit të segmenteve të mafies, aq më tepër i kamuflon sikur po iu bën magji. (E paarritshme, pavarsisht nga ju, njerëzit e tjerë i lexojnë ashtu sikur janë.)

Znj Eni Çobani ju pohoni se kemi të gjitha mjetet për të fituar pronën, dhe paraqiteni shumë e besueshme përpara publikut. Në të vërtetë ju nuk lexoni dokumentacionin e familjes Shkambi që e keni përpara, ashtu sikur janë të shkruara në letër. Në ekranin tuaj përpara publikut fshehni të vërtetat e dokumentave dhe mashtroni publikun nga themeli deri në çati, konkretisht:

1. Mashtroni duke trilluar, se për fitimin e pronës truall të Binak Pjetrit, janë marrë Pal Shkambi e Gjon Shkambi, gjë që nuk është hiç e vërtetë, se me këtë pronë truall jam marrë vetëm unë Av. Pal Shkambi.
2. Ju thoni se janë 66 000m2 truall, në të vërtetë në vendimet e Gjykatave dhe KKKP pranë Bashkisë Shkodër rezultojnë vetëm 60 000m2, pra ju mashtroni publikun për 6 000m2
3. Vendimin e Komisionit të Kthimit dhe Kompensimit të Pronave pranë Bashkisë Shkodër, e lexoni me qëllim gabim, duke deklaruar se nuk është njohur e gjithë prona prej 60000m2, por vetëm 20 000m2 në të vërtetë KKKP pranë Bashkisë Shkodër e ka njohur të gjithë truallin, sipas vendimit të Gjykatave të tre shkallve të gjyqësorit, pra ka njohur 60 000m2, pra mashtoni publikisht duke mohuar njohjen nga KKKP pranë Bashkisë Shkodër.
4. Znj. Eni, ju thoni se KKKP ka trajtuar 20 000m2 e vërteta e vendimit të KKKP, në letrën që ju lexonit është15000 m2, paturpsisht mashtroni publikun, duke shtuar 5 000m2 truall të trajtuar, nuk lexoni letrën e vendimit të KKKP ashtu sikur është shkruar.
5. Ju thoni se trashëgimtarët Shkambi për trojet e tyre kanë vetëm një vendim Gjykate, e vërteta është se kemi tre vendime të tre shkallëve të Gjyqësorit, edhe atë të Gjykatës së Lartë të gjitha në favor të trungut Shkambi, konkretisht: Në favor të Binak Pjetrit janë 60 000m2 në të gjitha shkallët e gjyqësorit në Gjykatën e Rrethit Shkodër me Vendimin Nr.3061 dt.31 10.1994, në Gjykatën e Apelit Tiranë me vendimin Nr. 5232, datë 21.12.1994 , në Gjykatën e Lartë të Tiranës (KML) me vendimin e saj Nr.1853 dt. 01/ 12/1995.
6. Znj. Eni! Ju thoni se trungu Shkambi ka humbur 45 000 m2 në Gjykatën e Apelit Shkodër, nuk është absolutisht e vërtetë se kam humbur asnjë cm2 në trojet e Binak Pjetrit, prona është e njohur në tre vendime të tre shkallëve të Gjyqësorit, edhe atë të Gjykatës së Lartë të gjitha në favor të trungut Shkambi, gjithashtu i gjithë trualli i Binak Pjetrit prej 60.000m2, është i njohur edhe nga KKKP pranë Bashkisë Shkodër. Çështja ndodhet për trajtim në Gjykatën e lartë.
   Sipërfaqja prej 45 dynym nuk është trajtuar për efekt të ligjit Nr. 7698 dt. 15/04/1993 “Për Kthimin dhe Kompensimin e Pronave”, dhe duhet të trajtohet bazuar në ligjin nr. 9235 datë 29.07.2004. “Për Kthimin dhe Kompensimin e Pronave”,

Meqenëse Bashkia Shkodër dhe Ministria e Financave ia shitën objektin pronarit të truallit Gjon Shkambi që në vitin 2012, i cili i pagoi shtetit duke i arkëtuar 166 milion lekë të vjetra në favor të shtetit, pronari Gjon Shkambi u pajis me çertifikatë të ligjshme të pronësisë, prona mbeti e zaptuar, shteti nuk përmbushi detyrimin ligjor kontraktor për lirimin e sendit të pronarit të ligjshëm Gjon Shkambi, prona nuk iu vu në posedim, nuk mundi ta përdorë kurrë deri më sot.

I drejtohem shtetit Shqiptar me këto pyetje.

1. A i është shitur Gjon Shkambit objekti i shkollës rezerva dhe konvikti, nga Bashkia Shkodër dhe Ministria e Financave që nga viti 2012, me të drejtë parablerje si pronar toke?
2. Meqenëse Shteti Shqiptar, ia shiti objektin Gjon Shkambit, a duhet të mbajnë përgjegjësi penale njerëzit e shtetit që çuan trashëgimtarin e familjes Shkambi në krim të dhimbshëm?
3. Meqenëse Shteti Shqiptar ia shiti objektin Gjon Shkambit që nga viti 2012, a duhet që Shteti të presë krime të tjera apo duhet t’i lirojë menjëherë objektin pronarit të ligjshëm që ia ka shitur vetë objejktin dhe ka certifikatën ligjore të pronësisë?
4. Meqenëse Shteti Shqiptar ia shiti objektin Gjon Shkambit që nga viti 2012, a duhet që Shteti Shqiptar t’i paguaj fitimin e munguar pronarit të ligjshëm Gjon Shkambit që nga viti 2012?

Bashkia e Shkodrës ia shite objektin Gjon Shkambit që nga viti 2012, ktheja sendin(objektin e shkollës rezerva dhe konvikti, nuk ka nevojë për kurrfarë gjyqit, por përmbush kontratën e shitblerjes, respekto aktin e dorëzimit të objektit!

Familja Shkambi ka tre mashkuj të burgosur, të paktën dy nga ata absolutisht padrejtësisht dhe pronën e pushtuar nga shteti.

Familja Shkambi është persekutuar dhe diskriminuar nga vet shteti pa të drejtë kushtetuese, ligjore dhe morale ma keq se në kohën e komunizmit.

Zoti pastë mëshirë për popullin Shqiptar!