Malësia e Madhe nuk shitet për 1 euro.

July 7, 2026 6

Për të gjithë malësorët e mi,

Ky ligj sapo është miratuar dhe prek edhe rrethin tonë. Siç mund ta shihni, “Paketa e Maleve” përfshin jo vetëm të gjitha fshatrat më të bukura të zonës, por edhe bregun e liqenit. Lind pyetja, si mund të konsiderohet “paketë e maleve” kur përfshihen edhe zona që ndodhen vetëm 5 metra mbi nivelin e detit?

Shumë prej jush ende kanë probleme me dokumentacionin e pronësisë. Sipas ligjit, në kushte të caktuara dhe për prona shtetërore, toka mund t’u kalohet investitorëve me një tarifë simbolike prej 1 euro.

Prandaj është e rëndësishme që secili ta lexojë ligjin, të informohet dhe të kuptojë se çfarë pasojash mund të ketë për komunitetin tonë.

K R Y E M I N I S T R I – EDI RAMA – 19 Qershor 2026

V E N D I M
PËR

SHPALLJEN E DISA ZONAVE ME PËRPARËSI ZHVILLIMIN E EKONOMISË MALORE NË BASHKINË MALËSI E MADHE

Në mbështetje të nenit 100 të Kushtetutës dhe të pikës 1, të nenit 4, të ligjit nr.20/2025, “Për paketën e maleve”, me propozimin e ministrit të Shtetit për Pushtetin Vendor, Këshilli i Ministrave

V E N D O S I:

Shpalljen “Zonë me përparësi zhvillimin e ekonomisë malore” të disa zonave në territorin e Bashkisë Malësi e Madhe, si më poshtë vijon:

a) Zona nr.1, fshati Rapshë, pjesë e njësisë administrative Kastrat, Bashkia Malësi e Madhe, Qarku Shkodër, me sipërfaqe 2 659 (dy mijë e gjashtëqind e pesëdhjetë e nëntë) ha, sipas hartës në sistemin KRGJSH;
b) Zona nr.2, fshati Brojë, pjesë e njësisë administrative Kelmend, Bashkia Malësi e Madhe, Qarku Shkodër, me sipërfaqe 4 026 (katër mijë e njëzet e gjashtë) ha, sipas hartës në sistemin KRGJSH;
c) Zona nr.3, fshati Kastrat, pjesë e njësisë administrative Kastrat, Bashkia Malësi e Madhe, Qarku Shkodër, me sipërfaqe 4 612 (katër mijë e gjashtëqind e dymbëdhjetë) ha, sipas hartës në sistemin KRGJSH;
ç) Zona nr.4, fshati Bratosh, pjesë e njësisë administrative Kastrat, Bashkia Malësi e Madhe, Qarku Shkodër, me sipërfaqe 992 (nëntëqind e nëntëdhjetë e dy) ha, sipas hartës në sistemin KRGJSH;
d) Zona nr.5, fshati Vrith, pjesë e njësisë administrative Shkrel, Bashkia Malësi e Madhe, Qarku Shkodër, me sipërfaqe 2 284 (dy mijë e dyqind e tetëdhjetë e katër) ha, sipas hartës në sistemin KRGJSH;
dh) Zona nr.6, fshati Vajush, pjesë e njësisë administrative Gruemirë, Bashkia Malësi e Madhe, Qarku Shkodër, me sipërfaqe 1 181 (një mijë e njëqind e tetëdhjetë e një) ha, sipas hartës në sistemin KRGJSH;
e) Zona nr.7, fshati Reç, pjesë e njësisë administrative Shkrel, Bashkia Malësi e Madhe, Qarku Shkodër, me sipërfaqe 1 590 (një mijë e pesëqind e nëntëdhjetë) ha, sipas hartës në sistemin KRGJSH;
ë) Zona nr.8, fshati Rrepisht, pjesë e njësisë administrative Shkrel, Bashkia Malësi e Madhe, Qarku Shkodër, me sipërfaqe 1 939 (një mijë e nëntëqind e tridhjetë e nëntë) ha, sipas hartës në sistemin KRGJSH;
f) Zona nr.9, qyteti Koplik dhe fshatrat Kamicë-Flakë, Stërbeq, Jubicë, Kalldrun, Dobër, Ktosh, Gjormë, Omaraj, Grilë dhe Boriç i Madh, pjesë të njësive administrative Qendër, Koplik dhe Gruemirë, Bashkia Malësi e Madhe, Qarku Shkodër, me sipërfaqe 2 769 (dy mijë e shtatëqind e gjashtëdhjetë e nëntë) ha, sipas hartës në sistemin KRGJSH;
g) Zona nr.10, fshatrat Vermosh, Lëpushë, Vukël, Nikç dhe Bogë, pjesë të njësive administrative Kelmend dhe Shkrel, Bashkia Malësi e Madhe, Qarku Shkodër, me sipërfaqe 29 614 (njëzet e nëntë mijë e gjashtëqind e katërmbëdhjetë) ha, sipas hartës në sistemin KRGJSH.

Shtrirja, kufijtë dhe pikat e hyrjes e të daljes së këtyre zonave përcaktohen në hartën treguese, sipas sistemit KRGJSH, që i bashkëlidhet këtij vendimi.
Llojet e aktiviteteve, që do të zhvillohen në këtë zonë, janë:

a) të zhvillimit ekonomik;
b) të zhvillimit industrial;
c) të zhvillimit turistik.