“Nëse digjemi ne, do të digjet edhe Moska”, tha Presidenti ukrainas Zelensky.

Sulmet më masive ukrainase në Moskë…
Ky është sulmi më i madh urkainas me dronë ndaj Rusisë që nga fillimi i luftës, madje edhe autoritetet ruse e kanë të vështirë ta minimizojnë situatën. Mbrojtja ajrore po lufton kundër një “sulmi në shkallë të gjerë”, njoftoi kryebashkiaku i Moskës.

Ukraina ka sulmuar me qindra drona Moskën dhe ka goditur shumë pjesë prej nga shihet flakë dhe tym i madh. Një rafineri është përfshirë, ndër më të mëdhatë në vend, është përfshirë në flakë.

“Nëse digjeni ne, do të digjet edhe Moska”, tha Presidenti ukrainas Zelensky.

Mbrojtja ajrore e Moskës ka kapur rreth 180 dronë por dhjetëra drona të tjera kanë goditur të godasin qëllimet. Sipas portalit të pavarur të lajmeve Astra, ka të paktën pesë zjarre në rafinerinë e Moskës. Videot e shpërndara në mediat sociale tregojnë një shpërthim të fuqishëm dhe zjarre të shumta.

Sulmet janë kryer në mëngjes dhe kjo tregon që Ukraina po zhvillon gjithnjë e më shumë këto armë. Edhe më parë ka pasur sulme ndaj rafinerive ruse, ndaj në shumë qytete ndjehet frikë dhe mangësi e karburanteve.

Kohë pas kohe, 25 rajone ruse kanë mbetur pa benzinë ​​dhe naftë. Janë bllokuar përkohësisht edhe fluturimet nga aeroportet kryesore të Moskës. Ky është sulmi më i madh me dronë ukrainas ndaj Moskës.

Rafineria e naftës në juglindje të Moskës i përket Gazpromneft dhe është një nga objektet më të mëdha në Rusi, me një kapacitet përpunimi prej njëmbëdhjetë milionë tonësh në vit. Ajo furnizon një pjesë të konsiderueshme të karburantit të Moskës.

Mediat gjermane njoftojnë edhe për goditjen e urës në Krime, e sulme ka pasur edhe në rajone të tjera ruse. Një sulm u raportua gjithashtu nga rajoni i Rostovit. Sipas Kyiv Independent, thuhet se është goditur një depo nafte në qytetin e Gukovos.

Presidenti ukrainas Zelensky konfirmoi sulmet dhe tha: “Ky është një përgjigje plotësisht e justifikuar ndaj sulmeve ruse në qytetet dhe qytezat tona dhe një tjetër rezultat i rëndësishëm i punës së luftëtarëve tanë kundër objekteve që mbështesin makinën ruse të luftës.”

Njëkohësisht kanë vazhduar edhe sulmet ruse ndaj shumë objektivave në Ukrainë.