Në këto momente mori epilogun gjyqësor një prej ngjarjeve më të tmerrshme që ka ndodhur vitet e fundit në Kosovë: Gjykata Themelore në Prishtinë shpalli aktgjykimin për vrasjen e Liridona Ademajt.
Burri i saj Naim Murseli është dënuar me burg të përjetshëm për vrasjen e gruas së tij Liridona Ademaj.
Me burg të përjetshëm është dënuar edhe Granit Plava, që ka vrarë me porosi të ndjerën. Ndërsa i akuzuari i tretë Kushtrim Kokalla është dënuar me 30 vite burg.
Liridona Ademaj është vrarë në mbrëmjen e 29 nëntorit të vitit 2023, në një rrugë në fshatin Bërnicë të Prishtinës. Në momentin e vrasjes ajo ishte në veturë bashkë me bashkëshortin Naim Murselin dhe dy fëmijët e tyre.
Murseli shpallet fajtor për planifikimin e vrasjes së saj, me qëllim që të përfitonte nga sigurimi i saj jetësor në Suedi, në vlerë prej rreth 260 mijë eurosh.
Graniti Plava e ka vrarë Liridona Ademajn me armë zjarri dhe ate në marrëveshje me Naim Murselin.
Ndërsa Kokalla i ka njoftuar këta të dy dhe ka qenë në dijeni për planet e vrasjes.
