Dr. Edvin Prifti shpall arritjen historike: “Spike Protect” merr miratimin europian, produkti që synon të neutralizojë proteinën Spike!

Një zhvillim që pritet të ngjallë interes të madh në komunitetin shkencor, mjekësor dhe tek publiku i gjerë është bërë publik nga mjeku dhe studiuesi shqiptar, Dr. Edvin Prifti. Pas një pune kërkimore që, sipas tij, ka zgjatur për disa vite dhe ka kaluar nëpër procese të gjata zhvillimi e vlerësimi, ai ka njoftuar se ka marrë aprovimin rregullator nga Komuniteti Evropian për një produkt biologjik të quajtur “Spike Protect”. Sipas deklarimit të tij, ky produkt është konceptuar për të neutralizuar efektet e proteinës Spike – proteinë që lidhet me virusin SARS-CoV-2 dhe që prodhohet gjithashtu si pjesë e mekanizmit të disa vaksinave kundër COVID-19 – me synimin për ta bërë atë të padëmshme për organizmin e njeriut.

Në reagimin e tij publik, Dr. Prifti thekson se kjo patentë, menjëherë pas miratimit, i është vënë në dispozicion industrisë farmaceutike pa asnjë përfitim financiar personal, duke argumentuar se qëllimi kryesor është që produkti të jetë sa më i aksesueshëm për qytetarët. Ai bën të ditur se, pas shumë pyetjeve të marra nga pacientë dhe qytetarë gjatë viteve të fundit, ka zgjedhur të mos e promovojë produktin deri në përfundimin e të gjitha procedurave rregullatore. Tashmë, sipas tij, pas marrjes së aprovimit përkatës, “Spike Protect” pritet të dalë në tregun evropian brenda pak javësh, përfshirë edhe Shqipërinë, me shpresën se do të ndihmojë në parandalimin e komplikacioneve që ai i lidh me COVID-19 dhe me rastet e ashtuquajtura “Long Covid”. Gjithashtu, ai ka falënderuar kompanitë partnere për bashkëpunimin dhe për pranimin e kërkesës së tij që produkti të ketë një çmim sa më të ulët, në mënyrë që të jetë i përballueshëm për sa më shumë njerëz.

Vlen të theksohet se deklaratat e mësipërme pasqyrojnë njoftimin publik të Dr. Edvin Priftit. Pretendimet mbi efektivitetin klinik dhe përdorimin e produktit duhet të vlerësohen në përputhje me të dhënat shkencore, dokumentacionin rregullator dhe udhëzimet e autoriteteve shëndetësore.

Më poshtë shkrimi në Facebook i DR. Edvin Prifti.

Te nderuar miq,
Pas nje pune disa vjecare me se fundmi vjen aprovimi rregullator i Komunitetit Europian i Spike Protect (emri i produktit qe kam zgjedhur), nje mishele biologjike e ideuar prej meje, per ta bere proteinen Spike e cila prodhohet nga Covid19 si dhe nga vete vaksinat te pademshme per organizmin e njeriut. Pasi mora aprovimin e kesaj patente Ju bej me dije qe ajo i eshte dhene industrise gratis dhe pa asnje pagese ndaj meje! 

Mijera me kane pyetur per kete produkt, por nuk mund ta sugjeroja pa ardhur ky aprovim perfundimtar.
Tani duhet edhe pak jave dhe ky produkt i quajtur Spike Protect do te jete i pranishem ne te gjithe tregun europian dhe sigurisht edhe ne Shqiperi. Shpresoj qe te parandalojme sa me shume komplikacionet e vaksinave si dhe vete Covid19 per ata qe kane kaluar long Covid.
Falenderoj perzemersisht Zion Pharmaceutical dhe Martinez Nieto S.A. per impenjinim ne kete partneritet dhe vecanerisht per plotesimin e kerkeses sime te vecante qe kostoja e produktit te jete sa me e lire ne menyre qe gjithkushi ta administroje!