Gjermanët, më të pakënaqur se kurrë me qeverinë e Merzit
Në Gjermani po rritet dita-ditës pakënaqësia ndaj qeverisë së kancelarit Friedrich Merz. Sipas sondazheve më të fundit, vetëm 25 për qind e qytetarëve deklarohen të kënaqur me punën e tij, ndërsa 72 për qind shprehen haptazi të zhgënjyer – një nivel rekord negativ që prej marrjes së detyrës nga Merz.
Shkak i valës së zemërimit publik janë bërë deklaratat e fundit të kancelarit, të cilat kanë ndezur një debat të gjerë politik dhe shoqëror në të gjithë vendin. Në një paraqitje publike, Merz tha se “pamjet e qyteteve gjermane kanë ndryshuar ndjeshëm” dhe se qeveria po punon “intensivisht për largimin e të huajve që nuk kanë të drejtë qëndrimi”.
Por ajo që ngriti më shumë reagime ishte fraza e tij e nënkuptuar, kur tha:
“Nëse nuk e besoni këtë, pyesni vajzat tuaja në shtëpi, dhe do ta kuptoni.”
Një deklaratë që u interpretua gjerësisht si aludim se vajzat dhe gratë gjermane ndihen të pasigurta në qytete për shkak të emigrantëve dhe ndryshimit të strukturës demografike. Kjo fjali e vetme u mjaftua për të hapur një stuhi reagimesh në media, në rrjetet sociale dhe në qarqet politike.
Reagimet: “Problemi është dhuna, jo origjina”
Në ditët që pasuan, qindra gra dhe vajza dolën në protesta në disa qytete të mëdha si Berlin, Hamburg e Frankfurt, me pankarta ku shkruhej:
“Mos përdorni frikën tonë për politikë!” dhe “Dhuna nuk ka kombësi.”
Sipas organizatave feministe dhe shumë shoqatave civile, Merz po e përdor temën e sigurisë për të fituar pikë politike, duke e lidhur atë me emigracionin. “Dhuna ndaj grave është një problem i përhapur, që nuk lidhet vetëm me të huajt, por me kulturën e patriarkatit dhe mungesën e mbrojtjes efektive,” deklaroi një prej organizatoreve të protestës në Berlin.
Akuzat për afrim me AfD-në
Kritikët e kancelarit e akuzojnë se me këto qëndrime po i afrohet rrezikshëm narrativës së ekstremit të djathtë, veçanërisht Alternativës për Gjermaninë (AfD), e cila po rrit ndjeshëm mbështetjen në disa lande lindore. Shumë politikanë të qendrës dhe të majtës e kanë cilësuar gjuhën e Merzit “të rrezikshme” dhe “populiste”, duke i kërkuar të kërkojë falje publike.
Por kancelari ka refuzuar kategorikisht ta bëjë këtë. “Unë thashë të vërtetën,” – ka deklaruar ai. – “Gjermania duhet të ruajë rendin, sigurinë dhe identitetin e saj.”
Kriza e besimit ndaj qeverisë
Në sfondin e kësaj krize retorike, qeveria gjermane po përballet edhe me pakënaqësi të thellë ekonomike. Rritja e çmimeve të energjisë, kostot e larta të jetesës dhe ndjenja e pasigurisë për të ardhmen kanë bërë që shumë qytetarë të humbin besimin te lidershipi aktual.
Në sondazhin e fundit të “Infratest dimap”, vetëm një në katër gjermanë beson se qeveria e Merzit “ka nën kontroll situatën”, ndërsa një shumicë dërrmuese mendon se “vendit i mungon drejtimi dhe vizioni.”
Një Gjermani e ndarë mes frikës dhe realitetit
Debati për emigracionin, sigurinë dhe identitetin po bëhet gjithnjë e më i nxehtë. Analistët paralajmërojnë se nëse CDU e Merzit vazhdon të përdorë këtë retorikë, rrezikon të humbasë besimin e moderuar të qendrës dhe të forcojë
