Shpallet në kërkim polici në Peshkopi:

Të shtënat me armë në Peshkopi/ Shpallet në kërkim polici, babai i kandidatit të PS
Janë zbardhur detaje të reja nga ngjarja e regjistruar mbrëmjen e sotme në fshatin Pilafe të Peshkopisë, ku një efektiv policie qëlloi me armë zjarri në ajër.

Bëhet fjalë për efektivin Esat Gjura, i cili është shpallur në kërkim. Mësohet se Esat Gjura është babai i kandidatit të PS-së për Qarkun e Dibrës, Danjel Gjura.

Gjithashtu, mësohet se në kërkim është shpallur edhe një person tjetër, identiteti i të cilit ende nuk dihet. Dyshohet se të shtënat me armë kanë ardhur pas një konflikt për çështjen e zgjedhjeve.
Forcat e Policisë ndodhen në vendin e ngjarjes dhe po punojnë për kapjen e personave të shpallur në kërkim.